ခိုးလာသော ကဗျာများ

တန်ဆောင်မုန်း လပြည့်ကျော် တရက်ဆိုတာ ကျီးမနိုးပွဲ လုပ်ကြတဲ့ သူခိုးကြီးများညပေါ့လေ၊ ကိုယ်တွေဆီမှာဆို ဒီချိန် အကိုတွေ မောင်တွေနဲ့ အတူ ထမင်းတွေ ဟင်းတွေ ချက်စားတာတွေ သတိရမိတယ်၊ သူများတွေ ဘာတွေ ခိုးလဲ လိုက်ကြည့်ကြတယ်၊ ခုလဲ အဲ့ဒီအကြောင်းလေးကို အရင်းပြုပြီး ညီမလေး တယောက်က သတိပေးတာနဲ့ ကျမ သူများကဗျာလေးတွေ ခိုးဖို့ ကြံစည်မိပါတယ်၊ ကဗျာပိုင်ရှင်တွေကတော့ ခွင့်လွှတ်မယ် ထင်ပါတယ်( ထင်တာနော်)။ ခိုးသာခိုးချင်တာ နက်ဖြန် စာမေးပွဲ ရှိနေတော့ စာအရင်ကြည့်နေတာနဲ့ ခိုးဖို့က နောက်ကျနေတယ်။

ပထမဆုံးခိုးလာတာတော့ ကျမရဲ့ ချစ်စရာ ကဗျာဆရာမလေး အိန္ဒြာ ဆီကပါ၊ သူ့ ရေးတဲ့ ကဗျာတွေ ကျမ တော်တော် ကြိုက်ပါတယ်၊ ကိုယ်မရေးတတ်သမျှ သူ့ဆီ သွားသွားဖတ်ပြီး ခံစားပါတယ်၊ ကြိုက်တဲ့ ကဗျာတွေက များနေတော့ ဘယ်ဟာ ခိုးလို့ ခိုးရမှန်းမသိ ဖြစ်နေတယ်၊ ကျမကြိုက်မိတဲ့ ကဗျာတွေက ရပ်ထားချင်တဲ့ အတွေး၊ တစိမ့်စိမ့် ခါးသက်နေခဲ့တယ်၊ အလွမ်းစက်လက်၊ ဘ၀သင်ပုန်း၊ ကြယ်အ ' တေး'၊ အဲ့ဒီ ငါးပုဒ်လုံး ခိုးချင်သော်လည်း မဖြစ်သေးတဲ့ အတွက် အလွမ်းစက်လက် ဆိုတဲ့ အကြိုက်ဆုံးထဲက တပုဒ်ကို ခိုးလာပါတယ်၊

အလွမ်းစက်လက်

ကိုယ့် သန်းကောင်ယံတွေကို လှုပ်နိုး၊
ကိုယ့် အိမ်မက်ကို ပန်းလို ပျိုး ခဲ့တဲ့
ဂစ်တာသံ အ၀ါလေးဟာ
အဲဒီ့ ဂျင်းပင်(န်) အပြာလေး ပဲဖြစ်မှာပါ။

ညနေတွေတိုင်းက ကြည်ပြာ
ရှိန်းမြ တစ်ကိုယ်ရည် အတွေး
ကိုယ့် ရင်ခုန်ကဖေးလေးရှေ့ ဖြတ်လျောက်ဖို့
မင်း အကြည့်တွေကို
မြားလို ရိုင်းမပြစမ်းနဲ့ ကောင်လေးရယ် ။

ကိုယ့် ခြေသံတွေက
မင်း ခြေသံကို..မှ.....ချူချ လိုက်ချင်သတဲ့
ကိုယ် ချဲ့ထွင်ခဲ့တဲ့လမ်းလေးက
မင်းတစ်ကိုယ်စာ

မျှော်လင့်ခြင်းဆိုတာမှာ
သက်ပြင်းတွေ ဖြာနေတတ်ပါသလား....

မင်း သတင်းကို
သီချင်းလို ကိုယ် ဆိုခဲ့မိပေါ့။

အချိန်ကို ရထားလိုစီးပြီး
ဒီခရီးကို ကိုယ်နှင်လာခဲ့ပြီ
ရာသီတွေဘယ်နှစ်ခါ ယွန်းယွန်း.....
ကိုယ့် မျက်ဝန်းထောင့်စွန်းလေးမှာ ပျက်ကွက်

ကိုယ့် အလွမ်းစက်လက်ပန်းချီကား...

နာ ဖျား ကွဲ ကြေ ။

ကောင်လေးရေ...
ငါ က ........
အချစ်ကို
မင်း နဲ့မှ ချို ချင်နေခဲ့တယ် ။ ။

အိန္ဒြာ(၂၀၀၇ ခုနှစ် အချစ်ဂျာနယ်)

နောက်ကဗျာတပုဒ်ကတော့ ကျမရဲ့ မောင်လေး ဆောင်းချမ်းမိုး ဆီက ခိုးလာခဲ့တာပါ၊ လူကသာ ၀၀တုတ်တုတ် ရေးလိုက်တဲ့ ကဗျာတွေကတော့ လူနဲ့ တခြားစီပါ၊ နုနုရွရွလေးတွေ၊ လူပုံကို အဝေးနေကြည့်ရင်တောင် ကဗျာဆရာရုပ်ပေါက်နေတဲ့ ရုပ်ပါ၊ သူ့ကဗျာလေးတွေလဲ ကျမ ကြိုက်မိပါတယ်၊ သူ့ကဗျာလေး ခံစားကြည့်ရအောင်နော်၊

ရင်တမြေ့မြေ့ လွမ်းငွေ့ဝေတယ်

တစ်ယောက်တစ်ကမ္ဘာစီ
ခွဲခွာနေရခြင်းကိုတော့
ဘယ်သူမှ
ရင်မဆိုင်လိုပါ။

မခွဲခွဲအောင်
တေ့တေ့ဆိုင်ဆိုင် လုပ်နိုင်တာလဲ
ကံကြမ္မာပဲ ရှိတယ်။

တလှည့်မှာ ဝေး
တရွေ့မှာ ဝေး
တကွေ့မှာ ဝေး
ဘယ်လိုပဲဝေးဝေး
တစ်နေ့ ပြန်ဆုံကြမယ်လို့ပဲ
ယုံကြည်တယ်။

တအိအိ သတိရခြင်းတွေမှာ
ပြီးရင်ပြီးရော သဘောမရှိတဲ့အခါ
ကိုယ်သတိရရင်
သူ
သတိရမယ်
အဲဒီလိုပဲ
တွေးလိုက်တယ်။ ။

ဆောင်းချမ်းမိုး

နောက်တယောက်ကတော့ တိမ်ညိုတွေ ပြိုသွားတဲ့ ကောင်းကင် ဘလော့ပိုင်ရှင် စိတ်ရဲ့ စေရာကို နာခံသော ကဗျာဆရာ မိုးမြင့်တိမ် ဆီကပါ၊ သူလဲ စိတ်မဆိုးလောက်ဘူးထင်ပါတယ်၊ စကားလုံးတွေ ကြွယ်ဝတယ်၊ တခါတလေ သူ့ကဗျာတွေ ကျမ နားမလည်ဘူး၊ ဘာကိုဆိုလိုချင်တာလဲ ဆိုတာ ၂ရက် ၃ရက် စဉ်းစားယူရတယ်၊ သူ့ကဗျာတွေ ထဲမှာ သူရေးချင်တဲ့ အကြောင်းအရာကို အမြဲဝှက်ပြီး ရေးတတ်တယ်၊ အဲ့လို အတွေးတွေ အမြဲပေးတတ်တဲ့ သူ့ဆီမှာလဲ ကျမကြိုက်တဲ့ ကဗျာတွေ အားကြီးပဲ၊ အဲ့ထဲက ရွေးခိုးလာတာကတော့ စိတ္တဇ တဲ့။

စိတ္တဇ

စိတ်တွေ....
ယောက်ယက်ခတ်နေကြတယ်..။

ဘာတွေဖြစ်လာမှာလဲ..
ဘာတွေဖြစ်ဦးမှာလဲ..
ဘာတွေဖြစ်နေကြလဲ..

မေးခွန်းတွေ..
အဲဒီ့မေးခွန်းတွေ..
အဖြေမရှိဘူး ။

ထာဝရမမှန်နိုင်တဲ့ အမှန်တရားတွေအတွက်
ငါ့ရင်ခွင်က ပြန်ပြန်ဖြေနေခဲ့တဲ့တစ်ခွန်းတည်းသောအဖြေ
မင်းလေ...သိပ်ညံ့တယ် ။ ။

ထောင်ချောက်တွေ..
မာယာတွေ..
လိမ်လည်မှုတွေ..
ဖုံးကွယ်မှုတွေ..
အမြစ်ပါနှုတ်ခံလိုက်ရတဲ့ ယုံကြည်မှုတွေ..

အနာဂတ်အတွက် မတွေးချင်ဘူး
အတိတ်ကိုလည်း ဆွေးနေတုန်း
ပစ္စုပန်မှာ ငါဟာအထီးကျန်နေတယ် ။ ။

စိတ်တွေ..
အဲဒီ့စိတ်တွေ...
ယောက်ယက်ခတ်နေကြတယ်..
တစ်စုံတစ်ခုကို ငါသိတယ်..
ဒါပေမယ့် ငါမသိဘူး..
တစ်စိတ်တစ်ပိုင်းကို ငါကြားတယ်..
ဒါပေမယ့် ငါ့နားနဲ့မဟုတ်ဘူး..
အခြေအနေတစ်ခုကို ငါမြင်တယ်..
ဒါပေမယ့် ငါ့မျက်စိနဲ့မဟုတ်ဘူး ။ ။

စိတ်တွေ...
အဲဒီ့စိတ်တွေ...
ငါ့ကိုနှိပ်စက်နေကြတယ်...

ကိုယ့်ကိုယ်ကိုယ် ချစ်နိုင်ဖို့..
ငါ....ကြိုးစားရဦးမယ် ။ ။

စိတ်၏စေရာနာခံလေသော
မိုးမြင့်တိမ်

ကျမရဲ့ စာမျက်နှာပေါ်မှာ ဒီလိုနေ့မျိုး အမှတ်တရအနေနဲ့ သူတို့ကဗျာလေးတွေ ခိုးလာမိပါတယ်၊ ခွင့်လွှတ်ပေးမယ်လို့လဲ ထင်ပါတယ်၊ လာဖတ်တဲ့ သူတွေလဲ ၀ိုင်းပြောပေးသွားဦးနော်....း)