စိတ်

ဘာရယ် မဟုတ်ပါဘူး၊ စိတ်တွေ ကျမရဲ့ စိတ်တွေ၊ ဘယ်တွေ ရောက်နေ၊ ဘာတွေ တွေးနေတယ် ဆိုတာ ကျောင်းမှာ စာသင်ရင်း (အိပ်ငိုက်ရင်း) တွေးမိလို့ ချရေးထားလိုက်တာ....

ကျမ အသက်ကြီးနေပေမဲ့ ကိုယ့်ကိုယ်ကို မရင့်ကျက်သေးဘူး ထင်ပါတယ်၊ ထင်တာမဟုတ်ဘူး၊ ဟုတ်ကို ဟုတ်တာ၊ စိတ်က အသက်ရဲ့ ထက်ဝက်တောင် ရှိပါ့မလားပဲ၊ စိတ်ဆိုး၊ စိတ်ကောက်၊ စိတ်အလိုမကျ တာတွေ အများကြီး၊ လောဘ ကလဲ ကြီးသေး၊ လောဘကြီးတယ် ဆိုတာ ငွေရေးကြေးရေး လောဘ ကြီးတာ မဟုတ်ပဲ၊ စိတ်လောဘ ကြီးတာပါ၊ ဒီ အရွယ်ကြီး ရောက်နေပြီ ဘုရားတရား မလုပ်ပဲ စိတ်လောဘ ကလဲ ကြီးသေးလို့ မပြောပါနဲ့၊ ဘုရားရှိခိုး တရားထိုင် ( အဲ တရားမထိုင်နိုင်သေးဘူး) မနက် ည ဘုရားရှိခိုးတာ လောက်ကလွဲပြီး ဘာမှ မလုပ်နိုင်သေးပါ၊ ဆက်ရေးရရင် စိတ်လောဘ ကြီးတယ် ဆိုတာက ကျမက အကိုတွေ မောင်တွေ ဦးလေးတွေ ကြားမှာ ကြီးတော့ နေရာတကာ ဂရုစိုက်ခံရတယ်၊ ဒီသမီးလေး တယောက်ထဲ ဆိုပြီး အဖေနဲ့ အမေက ဂရုစိုက်၊ သူငယ်ချင်း အပေါင်းအသင်း သိပ်မရှိပေမဲ့ ရှိတဲ့သူတွေရဲ့ ဂရုစိုက်တာကို ခံခဲ့ရသူ တယောက်ပေါ့၊ အဲ့ အတွက် ဘယ်သူနဲ့ တွေ့တွေ့ လောဘကြီးတတ်ပါတယ်၊ ကိုယ့်ကို ဂရုစိုက်နေသူ တယောက် တခုခု ပြောင်းလဲ သွားတယ် ထင်ရင် အတော်လေး ခံစားရပါတယ်၊

ဒီရောက်စကလဲ အလူးအလဲ ခံစားခဲ့ ရတယ်၊ ကိုယ်ဘာသာစား၊ သွား၊ အလုပ်လုပ်၊ အဲ့ဒီ စိတ်နဲ့ပဲ ဖျားနာခဲ့ဖူးတယ်၊ ဒီမှာ အတူနေတဲ့ သူငယ်ချင်းကလဲ ရွာမှာထဲက အချစ်ဆုံး သူငယ်ချင်း ဖြစ်ခဲ့တော့ ခုထိလဲ ကျမ အတွက် ကျမ ဆိုးသမျှ၊ ဂျီကျ သမျှ သူ ခံနေရတုန်းပေါ့၊ ကျမ အပြင်မှာ စိတ် အဆင်မပြေလာ သမျှ အိမ် ရောက်ရင် သူခံရတတ်ပါတယ်၊

ကျမရဲ့ စိတ်တွေ မကောင်းတာ ပြောပါတယ်၊ မနက်မိုးလင်း အိပ်ရာထဖို့ နှိုးစက် ပေးထားပေမဲ့၊ အိပ်ရာထဖို့ နှိုး လာမဲ့ ဖုန်းကို မျှော်ပြီး မထ တတ်ပါဘူး၊ကိုယ့်ဘာသာ စိတ်ကို ဆုံးမထားပေမဲ့ စိတ်လေ စိတ်၊ ကျောင်းသွားသွား၊ အလုပ်သွားသွား၊ ကိုယ့် ကို ဘယ်ရောက်နေလဲ၊ ပင်ပန်းနေလား ဆိုတဲ့ မက်ဆေ့လေး တစောင်ဟာ ကျမအတွက် အမောပြေ အားဆေး တခွက်လို့ ထင်နေပြန်ရော၊ ၀မ်းနည်း ၊ အားငယ်တတ်ပြန်တာလဲ နှစ်ယောက်မရှိ တခုခုဆို ချက်ချင်း မျက်ရည်က အရင် ထွက်၊ မငိုနဲ့ လို့ ကိုယ့်စိတ်ကို ပြောနေပေမဲ့ သူ့ဘာသာ မျက်ရည်က ထွက်လာတာ ထိန်းမရတတ်ပြန်ဘူး၊ ကျမ မကောင်းဘူး။

တယောက်ထဲ နေတဲ့ အချိန်တွေ များတော့ စိတ်အတွေးတွေ လဲ သိပ်များတတ်တယ်၊ စိုးရိမ်စိတ်၊ ၀မ်းနည်းစိတ်၊ တနေရာ သွားချင်ပြီဆို မရောက်ရောက်အောင် သွားတဲ့ စိတ်၊ မသွားချင်ဘူးဆို ဘယ်လိုခေါ်ခေါ် မသွားတဲ့ စိတ်( ဘလော့ မောင်နှမတွေ ဆီ မပါပါ) ၊ လုပ်ချင်ပီ ဆို ရှေ့နောက် မကြည့်ပဲ လုပ်တတ်တဲ့ စိတ်၊ ညဆို အတွေးတွေ များပြီး မနက်ဆို မထချင်တဲ့ စိတ်၊ ကိုယ့်ကိုယ်ကို ဂရုမစိုက်ပဲ သူများဂရုစိုက်တာကို ခံချင်တဲ့ စိတ်၊ အဲ့ စိတ်တွေ ကို ပြင်ဖို့ ကြိုးစားနေတာ မအောင်မြင်သေးဘူး၊ ထပ်ပြီး ကြိုးစားရဦးမယ်၊

တော်ပါပီ စိတ်တွေ အကြောင်းရေးရင် ပီးမှာ မဟုတ်တော့ဘူး၊ အတန်းလဲ ပြီးသွားပြီ၊ ပြန်တော့ မယ်.....အင်း အတန်းပြီ ဘယ်သွားရင် ကောင်းမလဲ၊ ဟို... သွားရမလားး တွေးနေတဲ့ စိတ်...မကောင်းဘူးး စိတ်တွေ စိတ်တွေ....။