ရွှေညာ သို့ လွမ်းချင်း

ဘယ်နေရာလေး သွားသွား၊ ဘာလေး ဖတ်ဖတ် အားအားနေ လွမ်းနေတတ်တဲ့ ကျမ ခုလဲ ဆရာမ ခင်ခင်ထူး ရဲ့ အညာသူ အညာသား ကျွန်မ ဆွေမျိုးများ ဆိုတဲ့ စာအုပ်ဖတ်ပြီး အလွမ်းမင်းသမီး ကျမလေ လွမ်းနေမိပြန်ပြီ။

ဘာတွေလွမ်းပြီး ဘာတွေတွေးနေလဲဆို....
ကျမ အဖေ နဲ့ အမေ ၂ယောက်လုံးက အညာသူ အညာသား စစ်စစ်တွေပါ၊ အဖေက နတ်မောက်ဟိုးဘက် စက်ဘီးတွေ ဘာတွေ တောင် ငယ်ငယ်တုန်းက မမြင်ဖူးပါဆိုတဲ့ ရွာလေးကပါ၊ ဘုန်းကြီးကျောင်းမှာ စာသင်ရင် ကျောင်းအိပ် ကျောင်းစားလုပ်ရင် မနက်နိုးဖို့အတွက် အုန်းသီး ခေါင်းအုံး အိပ်ခဲ့ရတယ်တဲ့၊ အဲဒီရွာ လေးကို ကျမ ငယ်ငယ်က တနှစ်တခေါက်ရောက်တယ်လေ၊ အမေကတော့ မကွေးတိုင်းထဲက တောင်တွင်းကြီး ဆိုတဲ့ မြို့ပေါ်ကပါ၊ တောင်တွေ မြောက်တွေတော့ ကျမ မခေါ်တတ်လို့ မသေချာမှာစိုးလို့ မှတ်သိသလောက်လေး လွမ်းရတာ။

ကျမ တို့ ငယ်ငယ် စာမေးပွဲ ပြီးတဲ့ ရက်ဆို အမေက အညာ ပြန်ဖို့ အတွက် ကားလက်မှတ် ကြိုဝယ်ထားပြီး ညနေ ကျောင်းဆင်းတာနဲ့ ကားပေါ်တန်းတက် အညာမြေကို ခရီးထွက် ရတယ်၊ ကျောင်းပိတ်ရက် အားလုံး အမေ့မြို့ နဲ့ အဖေ့ရွာ မှာ နေပြီး နက်ဖြန်လို ကျောင်းပြန်ဖွင့်မယ်ဆိုမှ ဒီနေ့လိုမှာ ရန်ကုန်ကို ပြန်ခဲ့ ရတော့ ကျမတို့ လဲ အညာသူ တပိုင်းပေါ့လေ၊ အညာမြေရဲ့ ထနောင်းရိပ်တွေ၊ လက်ပံပင် ရိပ်တွေ၊ မန်ကျည်းပင် ရိပ်တွေဆိုတာ ကျမနဲ့ ရင်နှီးနေခဲ့တယ်၊ အဖေ ဘက်က အဘိုး ကို မွေးကတည်းက မမြင်ဖူးခဲ့ပေမဲ့၊ အမေဘက် က အဘိုးရော အဘွား ၂ယောက်လုံး ရှိနေသေးတော့ ပေတရာ ပတ်လည် အဘိုး၊ အဘွားရဲ့ ၀ိုင်း ထဲမှာ ကျမတို့  မောင်နှမ တတွေ သောင်းကျန်းနေကြပေါ့၊ ကျမ တို့ ရောက်ပြီဆို ရွာက အဘွားကလဲ မြို့ ပေါ် တက်လာပြီး ကျမ တို့ကို သူ့ရွာ လိုက်ဖို့ လာခေါ်တတ်ပါတယ်၊ အမေဘက်က အဘိုး အဘွားနဲ့ အဖေ ဘက်က အဘွားတို့ ရဲ့ မြေး လု တဲ့ ရန်ပွဲလေးတွေလဲ မကြာ ခဏ ကြုံခဲ့ရတယ်၊

အဖေ့ရဲ့ ရွာ အကြောင်း ဆက်ရေးရင် ....
ရွာကတော့ ရွာကြီးပါ မူလတန်း ကျောင်းလေး တကျောင်း ရှိတယ်၊ ဘုန်းကြီးကျောင်း ၄ကျောင်း၊ အရှေ့ကျောင်း၊ အနောက်ကျောင်း၊ တောင်ကျောင်း၊ မြောက်ကျောင်းဆိုပြီး ရှိတယ်၊ ရွာတွေ ရဲ့ ထုံစံလို ဖြစ်နေတဲ့ အရှေ့၊ အနောက်၊ တောင်၊ မြောက် မတည့်တာတွေလဲ ရှိတယ်၊ ရေလဲ ရှားတယ်၊ သောက်ရေဆို အရှေ့ကျောင်းမှာပဲ ရတယ်၊ ညနေဆို ရေခပ်ဆင်းတဲ့ ရွာသူလေးတွေလဲ စုံလို့ အိုးလေးတွေ ခေါင်းပေါ်ရွက်၊ စကားတပြောပြောနဲ့ သွားနေကြတဲ့ အထဲ ကျမလဲ အမျိုးတွေကြားလိုက်ခဲ့ဖူးတယ်။

မနက်မိုးလင်း နိုးလာရင် အဘွား ကျမတို့ မောင် နှမတတွေ စားဖို့ ကောက်ညှင်းပေါင်းရင် ပေါင်း မပေါင်းရင် ကျမတို့ သိပ်ကြိုက်တဲ့ မုန့်ပျားသလက် အဖြူ၊ အနီ ၂မျိုး ၀ယ်ထားတတ်တယ်၊ ဒါမှ မဟုတ် အညာ မုန့်ဟင်းခါးပေါ့၊ မုန့်ဟင်းခါး ဆိုလို့ ရန်ကုန်က မုန့်ဟင်းခါးတွေ လို အရည် သောက်မဟုတ်ပါဘူး၊ ပဲဟင်း ချက်ပြီး မုန့်ဖတ်နဲ့ စားရတဲ့ မုန့်တီ သုတ်လို ဟာမျိုးကို ဆနွင်းရောင် တ၀င်းဝင်း ဆီချက်တွေ များများနဲ့ပေါ့၊ ကျမကတော့ မိန်းကလေး ပီပီ မုန့်ဟင်းခါး မစားပါဘူး၊ မုန့်ပျားသလက်ပဲ စားပါတယ်၊ တရွာလုံးဟာ လှည့်ပတ်ပြီး ဆွေးမျိုးတွေဆိုတော့ ကျမတို့ ရောက်ပြီဆို ဟိုအမျိုးအိမ်က ရေနွေးသောက် ခေါ်၊ ဒီအမျိုး အိမ်က ထမင်းစား ခေါ်နဲ့ နေခဲတဲ့ တလလောက်က ကိုယ့် အဘွားအိမ်မှာ ကိုယ် ထမင်းစားရတာ နဲပါတယ်၊ အဘွားက နောက်ဆုံး အမျိုးတွေ ကို လာမခေါ်ဖို့ အော်လွှတ်မှ အိမ်မှာ ထမင်ဝိုင်း လက်ဆုံ စားရတော့တယ်။

အမျိုးတွေကလည်း ကျမတို့ ရောက်ပြီဆို လယ်ထဲသွား ၊ တောထဲသွား တွေ့သမျှ ဖွတ်၊ ပဒတ် ၊ လယ်ကြွက် က အစ အလွတ်မပေး ဖမ်းလာပြီး ကျမတို့ မောင် နှမတွေကို ကျွေးတတ်တယ်၊ ကျမ ကတော့ ကြောက်လို့ မစားပါဘူး၊ ကျမ သဘောကျတာက ဆိတ်ကျောင်းထွက်တဲ့ အချိန်ပါ၊ ဦးလေးတွေနဲ့ ဆိတ်ကျောင်းလိုက်ပါတယ်၊ ဆိတ်ကျောင်း လိုက်ရင်း တောထဲမယ် ဆိတ်ကလေးတွေ မွေးတာလဲ စောင့်ခဲ့ရဖူးတယ်၊ ပန်းမျိုးစုံလဲ ခူးခဲ့ဖူးတယ်၊ တောပန်းလေးတွေပေါ့၊ ကလေးဆိုတော့ တောထဲလဲ ကြောက်ရမှန်းမသိ၊ လန့်ရမှန်းမသိ လျှောက်သွားတာပဲ၊ အဘွားဝိုင်းထဲက မန်ကျည်းပင် ဆိုလဲ ကျမ မတတ်ဖူးတဲ့ မန်ကျည်းပင် မရှိပါဘူး၊ လွယ်အိတ် တလုံး စလွယ်သိုင်းပြီး မန်ကျည်းရွက် ပြည့်အောင် ခူးပြီးမှ ပြန်ဆင်းလာတတ်ပါတယ်၊ အောက် က အဘွား ဘယ်လောက်ခေါ်ခေါ် အိတ် မပြည့်မချင်း မဆင်းပါဘူး၊ အဲလို ငယ်ငယ်ထဲက လူကြီးတွေ ပြောစကားဆို နားထောင်တတ်တဲ့ ကျမပါ၊

မနက်လင်းလို့ ဘကြီးတွေ လယ်ထွန်သွားရင်လဲ ကျမ လိုက်တာပါပဲ၊ လယ်ထွန်နေတဲ့ တလျှောက် ထွန်တုံးလိုက်စီးတတ်ပါတယ်၊ နေ့လည်စာအတွက် အဘွား ထမင်းလာပို့ရင်း အော်တော့မှ ထွန်တုံးပေါ်က ဆင်းပြီး ထမင်းကြမ်းကြမ်း ကြီးနဲ့ ခရမ်းချဉ်သီးချက် ကို အားပါးတရ စားခဲ့တာ ခုချိန်ထိ သတိရနေမိတုန်းပါ......အဲ့ အရသာကို မှီတဲ့ ထမင်း ကျမ ခုထိမတွေ့သေးဘူးထင်တယ်လို့ ရေးရင်း တခန်းရပ်ပါမယ့်ရှင်။

ရေးမယ်ဆို အများကြီး ပါ၊ ဖြေးဖြေးခြင်း ရွှေညာကို လွမ်းပါရစေရှင်......