ရွှေညာ သို့ လွမ်းချင်း (၂)

အခန်းဆက် နဲ့ လွမ်းတတ်တဲ့ ကျမ ရေးမိပြန်ပီ၊ ကျမရဲ့ ခေါင်းစဉ်က ရွှေညာ သို့ လွမ်းချင်း လို့ ရေးထားပေမဲ့ မှတ်မိသလောက်တွေ ရေးတော့ ဟိုရောက် ဒီရောက် ပဲပင်ပေါက် လိုပဲ၊ ငယ်စဉ်တုန်းက ရောက်ခဲ့တာတွေ ၊ အညာ ရဲ့ ရပ်ရွာဓလေ့၊ ဘ၀ နေထိုင်မှု၊ စီးပွားရေး ၊ လူမှုရေး များကိုလည်း ရေးတဲ့ အခါ မပြည့်မစုံတွေ ဖြစ်နေမှာပါ၊ ပြည့်စုံအောင် ရှာပြီးမှ ရေးပါလားဆိုပြန်တော့လဲ ကျမ ကအဲ့လိုတွေ မရှာတတ်တဲ့ အတွက် မပြည့်စုံတာလေးတွေကို ဖြည့်ပြီး ဖတ်သွားရင် ကျေးဇူးတင်နေမှာပါ။

အဘွား ကျမရဲ့ အဖေ ဘက်က တော်ရတဲ့ အဘွား၊ သူနာမည်က ဒေါ်ငွေရှင် တဲ့၊ ငွေရှင် ကြေးရှင် တယောက် မဟုတ်ပေမဲ့ တရွာလုံးရဲ့ ဆရာမကြီးလိုပါပဲ၊ သူ မပါ ဘယ်နေရာမှ မပြီး၊ အလှူ အတန်း၊ ဘုရားပွဲ၊ ဘုန်းကြီးပျံ က အစ သူ့ ခြေ သူ့လက်ပဲ၊ ကျမတို့ မြေးတွေ ရောက်တဲ့ အချိန်ဆို အမြဲ ပြာယာခတ် စားဖို့ သောက်ဖို့ ကို ပြောင်းဖူးဖက် ဆေးလိပ်ကြီး ကိုက်ပြီး သူကိုယ်တိုင်လဲ လုပ်ပေးသလို အိမ်မှာ ရှိသမျှ သူတွေကိုလဲ ခိုင်းတတ်ပါတယ်၊ ကျမတို့ က မြို့ကလာတယ် ဆိုတော့ လာကြည့်သူတွေ၊ ဆွေမျိုးတွေ နေ့ရော ညရော မပြတ်ဘူး၊

မနက် ရေနွေးကြမ်းဝိုင်း ဆိုလဲ လူစည်ချက်၊ မိုးလင်းတာနဲ့ တယောက်ပြီး တယောက် ရောက်လာ၊ စကားပြောလိုက်တာ မနက် ၁၁ နာရီလောက်ထိ ထမင်းဟင်း မချက်ကြဘူး၊ နေ့လည်စာ စားဖို့ လာခေါ်တဲ့ သူတွေ လာမှ စကားဝိုင်း သိမ်းတတ်တယ်၊ ဟင်း ဆိုတာလဲ အကောင်းစားဟင်းတွေ မပါဘူး၊ ကိုယ့်ခြံထဲ ရှိတဲ့ ကြက်၊ တို့ ဆိတ်တို့ ချက်တာ၊ ဧည့်သည် လာရင် အဲ့လို ချက်ကျွေးကြတဲ့ ထုံးစံ ထင်တာပါပဲ၊ ကျမ မှတ်မှတ်ရရ ဘာစားခဲ့တာ မှတ်မိနေလဲ ဆိုတော့ ဆိတ် ကလေးလေး မွေးတော့ ဆိတ်က ကျတဲ့ ဆိတ်ချင်း ကြော် စားခဲ့ဘူးတယ်၊ ၀ါဝါ အလုံးလေးတွေ၊ ငယ်တုန်းတော့ ဘာမှ မသိတော့ စားခဲ့တာပဲ ၊ ကျန်တဲ့ အကောင်ပလောင် တွေတော့ မစားပါဘူး၊

နောက် အဘွားရဲ့ ၀ိုင်း ထဲမှာ ဆန်ဖွပ်တဲ့ မောင်းဆုံကြီး ကျမ သိပ် သဘောကျတယ်၊ နေ့လည်ဘက်တွေ သူများ ဆန်လာဖွပ်လဲ ကျမ ထောင်းတယ်၊ အဲ့ဒီတုန်းကတော့ အံ့သြတကြီး ပေါ့လေ၊ လုံးတီးဆန်လို ဟာတွေကို ဆုံထဲထည့်၊ ဆန်တွေ ဖြူလာတာ ကို ပျော်နေတာ၊ ဘေးစင်ပြီး ဆန်တွေ ပွကုန်လဲ ကျမ ကို ဆူမဲ့သူ မရှိဘူးလေ၊ နောက် ဆီကို ရေချိုး ဆေးရိုးမီးလှုံ ဆိုတဲ့ စကားကလဲ ကျမ ငယ်ငယ်ကတော့ မြက်ဝါးထင်ထင် မြင်ခဲ့ရတာတွေပေါ့၊အဘွားအိမ်မှာ ရာဝင်အိုးကြီးတွေ နဲ့ ဆီတွေ ဆိုတာ ခုချိန် ပြန်ပြောရင် ပုံပြင်လိုပါပဲ၊ ဆီကြိတ်ဆုံလဲ ကျမ လေ လိုက်စီးလိုက်တာ၊ ဆီကြိတ်နေတဲ့ နွားကြီးတော့ မသိ ကျမတော့ မူးနေမှ ပြန်ဆင်းလာတာပဲ၊ ပဲဆီ နှမ်းဆီ စစ်စစ် ဆိုတာတွေ ဒီကို မလာခင်ထိ စားခဲ့ရတာလဲ ကျမ အဘွားရဲ့ ကျေးဇူးတွေ ကြောင့်ပါ၊ ခုချိန်ထိလဲ ကျမတို့ အိမ်ကို ရွာကနေ ၆လ တခါလောက် အဖေ့ဘက်က အမျိုးတွေ က ပို့ပေးနေတုန်းပဲ၊ ၀ယ်စားစရာ မလိုဘူး၊

မန်ကျည်းပင်ရိပ်၊ ထနောင်းပင်ရိပ်၊ တမာပင်ရိပ် ဘယ်လောက်အေးတယ်၊ အညာနွေ ဘယ်လောက် ပူတယ် ဆိုတာ နေဖူးသူတွေမှ သိလောက်တယ်၊ ပူစပ်ပူလောင် ဆိုတဲ့ စကားလိုပဲ၊ ဘယ်လိုမှ နေထိုင်မရလောက်အောင် ပူတယ်၊ လေပူတွေ တိုက်တယ်၊ အဲ့ဒီတော့ အင်္ကျီ ပါးပါး လက်ရှည်လေးတွေ ၀တ်ရတယ်၊ လေပူတိုက် ခံနိုင်အောင်လို့တဲ့၊ ကျမ အဘွားကလဲ ရှန်သားအင်္ကျီ လက်ရှည်လေးနဲ့ အမြဲ သပ်သပ်ရပ်ရပ် နေတတ်တယ်၊ ကြည့်လိုက်ရင် အညာသူ လို့ ထင်စရာ မရှိအောင် အသားဖြူဖြူ ပိန်ပိန်ပါးပါးလေး၊ ချစ်ဖို့ကောင်းတယ်၊ မကောင်းတာ တခုက ကျမတို့ဆီ ကို ခေါ်မရတာပါပဲ၊ မလာဘူးတော့ မဟုတ်ဘူး၊ လာတယ် ဆိုရုံပါ၊ နင်တို့မြို့မှာ ငါမနေနိုင်ဘူး၊ ပြန်ပို့ကြပါ လို့ချည်းပြောတယ်၊ ရွာမှာနေရင် ဘာရောဂါ ညာရောဂါ ဖြစ်တယ် မကြားရပဲ ၊ မြို့ရောက်ပြီး တပါတ်လောက်ဆို ဖျားရောပဲ၊ နောက်ဆုံး အဖေ နဲ့ ပြန်မပို့တဲ့ အတွက် ရန်ဖြစ်ပြီး ပြန်ပြန်သွားတယ်၊

ကျမတို့ သွားနေတဲ့ တလလောက်ကတော့ အဘွားရဲ့ အသံက အရွှင်ဆုံးပဲ၊ နောက် ကျမတို့ အတန်းကြီးလာလို့ အဘွားဆီ မသွားနိုင်တဲ့ အခါ သူခမျာ တွေ့ချင်ရှာလို့ မြို့ကို မလာချင်ပဲ လာတွေ့ရတယ်၊ တောမှာနေလို့ပဲ ကျန်းမာရေးကောင်းတယ် ပြောရမလား၊ ကျမ အဘွားမှာ ဘာရောဂါမှ မရှိဘူး၊ အသက် ၇၀ ကျော် ၈၀ အထိ တောင်ဝှေး မကိုင် မျက်မှန်မတပ်ပဲ သွားလာနိုင်ခဲ့တာလဲ ကုသိုလ် တမျိုးပဲ ထင်တယ်၊ ခုတော့ ကျမ အဘွား မရှိတော့ပါဘူး၊ အသက် ၉၆ နှစ်မှာ လူကြီး ရောဂါပဲ ပြောရမယ်ထင်တယ်၊ အေးအေးချမ်းချမ်း လောကကြီးကို စွန့်ခွာ သွားခဲ့တယ်၊ အညာ အကြောင်းပြောရင် ကျမ အဘွားက မပါမဖြစ်တဲ့ သူတယောက်ဖြစ်နေတဲ့ အတွက် ခုချိန်ထိလဲ ကျမ အဘွားကို သတိတရ လွမ်းနေတုန်းပါပဲ။

ခန နားပါဦးမယ်...ရှင်