ပန်းလေး အတွက်...

သွားပါ ချစ်စရာကောင်းတဲ့ နှင်းဆီ ပန်းလေးရယ်...
သူမကို ပြောပေးပါ...သူ့အချိန်တွေနဲ့ ငါ့ အချိန်တွေ အချည်းအနှီး ဖြစ်ကုန်တယ်လို့..
အခု ဆိုရင် သူမ သိလောက်ပါပြီ....
သူနဲ့ ငါ ထပ်တူ ညီသွားတဲ့ အခါ ဘယ်လောက်များချစ်စရာ ကောင်းပြီး တင့်တယ် တယ်လို့ ထင်နေမလဲ..၊

ကဲ..အိပ်ပါတော့..အိပ်ခန်း ပြတင်းပေါက်ရဲ့ အပြင်မှာတော့ လကြီးက သာလိုက်တာ ထိန်လို့ပါပဲ၊ ငါ မအိပ်နိုင်ပါဘူးကွာ၊ မနက် ၃နာရီတောင်ထိုးနေပီ ၊ ငါ အိပ်လို့ မရသေးဘူး၊ ဒါ ဇန်န၀ါရီလရဲ့ နွေးထွေးတဲ့ ညပဲ၊ အိပ်ခန်း ပြတင်း အပြင်ဘက်က နူးညံ့တဲ့ လေပြေကလေးဟာ သစ်ပင်တွေကို တိုက်ခတ်ပြီး တိုးတိုးလေး မြည်နေပါတယ်၊ အဲ့ဒီ အသံက ရင်ဘတ်ထဲက မြည်နေတဲ့ အသံလိုပါပဲ၊ ငါ လရောင် အောက်မှာ အိပ်လို့ မရဘူး၊ ဘာကြောင့်လဲ မသိပါဘူး၊ နောက်ပြီး ရင်ထဲမှာ သိပ်ပူတယ်လေ။

အပြင်ထွက်ပြီး မီးဖိုခန်းထဲ သွားတယ်၊ ဘုံဘိုင်ခေါင်းကို လှည့်ပြီးဖွင့်လိုက်တယ်၊ ဖွင့်စတော့ နွေးသလိုလို နောက်တော့ ရေအေးအေးလေး ထွက်လာတယ်၊ သောက်ဖို့ အနေတော်ပဲ၊ နောက်တော့ တခါးဖွင့်ပြီး အပြင်ဘက် ထွက်လိုက်တယ်၊ လရောင်ဟာ နှင်းဆီ ပန်းတွေ အပေါ်မှာ သာနေလိုက်တာ ပန်းတွေရဲ့ ပုံသဏ္ဍန်တွေ အရောင်တွေကို မြင်နေရတယ်၊ ဟိုမှာကြည့်ပါဦး၊ အနီရောင်၊ အဖြူရောင်နဲ့ အ၀ါရောင်တွေ သူတို့ဟာ နူးညံ့ပြီး အနံ့တွေကလည်း ချို နေတာပဲ၊ ပန်းပွင့်တိုင်းဟာ နှင်းဥများနဲ့ စိုစွတ်နေတယ်။

မြက်ပင်တိုလေးတွေ ပေါ်မှာ ရပ်ပြီး မိုးကောင်းကင်ကို မော့ကြည့်လိုက်ပါတယ်၊ လကြီးက ထိန်နေအောင် သာနေပါတယ်၊ ဒါဟာ ဘာနဲ့ တူသလဲ ဆိုတော့ အင်မတန်အားကောင်းတဲ့ လျှပ်စစ်မီးရောင်ဟာ ခြံထဲမှာ လင်းနေသလိုပါပဲ၊ လေဟာ တိုးတိုးလေး သစ်ပင်တွေကို တိုက်ခတ်နေပြန်ပီ၊ ရောက်လာမဲ့ မွေးနေ့ တရက်ကို သတိရနေပြန်တယ်၊ အဲ့ဒီ အခါမှာတော့ ငါဟာ နှင်းစိုနေတဲ့ လရောင်အောက်မှာ အရှေ့သွားလိုက် အနောက်သွားလိုက် ဖြစ်နေပါတယ်၊ လမ်းမဘက် လျှောက်သွားလိုက်တယ်၊ မိုးကောင်းကင်ကို ထပ် မော့ကြည့်တဲ့ အခါမှာတော့ သစ်ပင်ထိပ်ဖျားမှာ ရွှေရောင်တောက်နေပါတယ်၊ လကလဲ မရှိတော့၊ နေ့ ဖြစ်နေပြီပဲ၊ သူမ ဘယ်မှာပါလိမ့်၊

ရုတ်တရက် ကိုယ့်ကိုယ်ကို မိုက်မဲရာ ကျတယ်လို့ ထင်လိုက်မိပါတယ်၊ လှည့်ထွက်ဖို့ အချိန်ရှိသေးလား၊ မှီနိုင်သေးသလား၊ သစ်ပင် တပင် နောက်မှာ ပုန်းလိုက်ရမလား၊ သစ်လွင်တဲ့ နံနက် အလင်းရောင်ဟာ နှင်းဆီ ပန်းတွေ ပေါ်မှာ တောက်ပနေတယ်၊ ဟိုးမှာ အလွန်လှပတဲ့ အနီရောင် နှင်းဆီပွင့်၊ ပွင့်မဲ့ ဆဲဆဲ သွေးရောင်လို ရင့်နေတယ်၊ မခူးပဲ ထားဖို့ ဆုံးဖြတ်လိုက်တယ်၊ ဒါနဲ့ပဲ ငှက်ကလေး တကောင် သီချင်းဆိုသံ ကြားလိုက်ပါတယ်။




ဘာတွေ ရေးမိမှန်း မသိပါဘူး၊ အိပ်တော့မယ်.....