လရောင်လမ်းဆွေး

လမ်းလေး ရဲ့ အစကို ကိုယ်ပြန်ရောက်လာသည်၊ မျက်ရည်တွေ ကုန်အောင် သုတ်လိုက်ပြီး တချက်ပြုံးလိုက်သည်၊ ကိုယ့်ကိုယ်ကို အားပေးသော အပြုံးပေမဲ့ မပီပြင်မှာ သေချာနေသည်၊ ဒီလမ်းလေး ထဲမှာ ကိုယ်တို့ နှစ်ယောက် တွေ့နေကျ လမင်းကြီးကို ကြည့်နေကျလေ။

ကိုယ့် ခြေလှမ်းတွေကို ဆက်လှမ်းရနိုး၊ ရပ်လိုက်ရနိုး စဉ်းစားနေတုန်းမှာပဲ ကိုယ့် ကို သူမြင်သွားခဲ့သည်၊ သူ့မျက်ဝန်းမှာ အံ့သြရိပ်တွေတော့ ထင်မနေခဲ့ပါဘူး၊ အရင်တုန်းက ဆိုရင် ဘာကိုပဲ ဖြစ်ဖြစ် လှည့်မကြည့် စတမ်း ပြတ်သားနိုင်ခဲ့ပေမဲ့ သူ နဲ့ ပတ်သက်လာရင် မပြတ်သားနိုင်ခဲ့တာ သူ သိနေမှာပါ။

သူ့ မျက်နှာပေါ်က ဟန်ဆောင်မှု မပါတဲ့ အပြုံး တခုကို ကိုယ် လှမ်းမြင်လိုက်ရသည်၊ ကိုယ့် မျက်နှာပေါ်မှာလည်း အလားတူ အပြုံးတခု ရှိနေမှာတော့ အမှန်ပါ၊ ကိုယ် တို့ ဟန်ဆောင် မျက်နှာဖုံးတွေ မသုံးခဲ့ ကြဘူးနော်၊ သူရော လမင်းကြီး ကို လာကြည့်တာပဲလား…၊

ဟော…ကြည့်…….ဟိုမှာ လမင်းကြီး ထွက်တော့မယ်..

ကောင်းကင် နီဝါရောင် မလင်းတလင်းကနေ တဖြည်းဖြည်း ဝါဝါ လင်းလာပြီ၊ အဝါ ရောင် လင်းလာတာကို ကြည့်ရင်း၊ ဟော…လဝန်း ရဲ့ အစွန်းလေး ရိပ်ခနဲ ပေါ်လာတာဟာ ကဗျာ မဆန်လိုက်ဘူး လား…ဟင်..ရွှန်း မြမြ လရောင် ဆိုတာ ဒါ ကို ခေါ်တာရယ်၊ တကယ်တော့ ည ဆိုတာလည်း လ ရှိနေမှ ပြည့်စုံသည် မဟုတ် တဲ့၊ လ ရှိနေသော ည၊ လ မရှိသောည၊ လ နှင့်နီးသောည၊ လ နှင့် ဝေးသောည ဘယ်လို ည မျိုးပဲ ဖြစ်ဖြစ်ပေါ့၊ ည ဆိုသည် ကတော့ သူ့ အရည်အချင်းနှင့် သူ အမျိုးမျိုး ဆန်းကြယ်စွာ ရင်ခုန်စရာ ကောင်းနေမှာပါပဲ လို့ ဆိုပေမဲ့….

ကိုယ့်ရဲ့ ညတွေကတော့ လွမ်းဆွတ်မှုတွေနဲ့ မတွေ့ရတဲ့ အချိန်မှာ သူ့ကို ဘယ်နှကြိမ် သတိရမိသလဲ ဆိုရင် ကိုယ် မရေတွက်နိုင်တာ သေချာသည်၊ မာနတွေနဲ့ ဘယ်လိုပဲ တင်းခံခံ၊ လွမ်းတဲ့ စိတ်ကိုတော့ ဖျောက်မရခဲ့တာ အမှန်…

ဒါဟာ ကိုယ့်ရဲ့ ပျော့ညံ့ချက် ဖြစ်နိုင်ပါသည်၊ ဒါမှ မဟုတ် နောက်ဆုံးအနေနဲ့ နှလုံးသားရဲ့ ဆန္ဒကို ဖြည့်ဆည်းခြင်းလည်း ဖြစ်နိုင်သည်၊ အလွမ်းတွေကို နိုင်အောင် ဖျောက်ပြီးဘဝမှာ ပျော်အောင် နေနိုင်ရမည်လေ၊ အသက်ရှင်နေသည့် ကာလ တလျှောက်မှာ လုပ်ချင်တာကို လုပ်သင့်တာကို ဖြစ်အောင် လုပ်ရပါဦးမည်၊ ဒါမှ လူဖြစ်ရကျိုး နပ်မှာလေ၊


ကိုယ် တိှု့နှစ်ယောက် ဒီလမ်းလေး ပေါ်မှာ သာသာယာယာ ပျော်ပျော်ရွှင်ရွှင် အမြဲတမ်း လပြည့်ညတွေ ဖြစ်ချင်တာပါပဲ။

လဆိုတာ အမြဲတမ်း မသာနိုင်.. မလင်းနိုင်… မပြည့်နိုင်လေတော့လဲ ကိုယ့်ဆန္ဒတွေကို မျိုသိပ်ရင်း……